LeioakoUdala

Hazilan 2020

fondo social europeo

Aurreko edizioetako arrakastaren ondoren, Behargintza Leioak HAZILAN laneratze-programa errepikatuko du, goi-mailako titulazioa duten 25 eta 44 urte bitarteko pertsonei beren lan-egoera hobetzen laguntzeko.

HAZILANHAZILANek metodologia berritzailea proposatzen du, norberaren gaitasunen eta enpresa proiektuaren araberako ibilbide pertsonalizatuarekin. Esparru horretan gaitasun pertsonalak eta profesionalak lantzen dira, lanpostuari dagokion prestakuntza espezializatua eskaintzen da baita enpresaren proiektuen garapenean parte hartzea ere.

Lehenengo fasean, AKTIBATU izenekoan, ibilbide pertsonalizatuez baliatuko dira, eta gaitasun pertsonalak eta profesionalak hobetzeko prestakuntza jasoko dute, lan-munduan sartzea erraztuko dieten tresnen bidez.

Bigarren fasean, TALENTU IHESA, zeharkako gaitasunei buruzko prestakuntza jasoko dute, gure enpresek proiektuak egiteko edo merkatuaren beharrei erantzuteko eskatzen dituzten ezagutza espezifikoak eskuratzeko. Prestakuntza teoriko-praktikoa izango da, hau da, sarrera teoriko baten ondoren, adibideak erakutsiko dira eta horietan lan egingo da, lan egiteko beharrezko ezagutza eta tresnak eskura ditzaten. Jarraian, garatuko dugu:

  1. PROIEKTUEN KUDEAKETA: proiektuak planifikatzeko sistemak, proiektuaren hasiera eta bilakaera kudeatzea, proiektu batean sortzen diren arazoak kontrolatzea eta horiei erantzutea, eta proiektua ixtea eta ebaluatzea.
  2. METODOLOGIA ETA TRESNA ARINAK: Scrum metodologia - Lean Startup - Dropbox - Google tresnak: Forms, Calendar, Keep - Mailchimp - Visual Thinking
  3. GATAZTEN KUDEAKETA
  4. MERKATARITZA-ESKUMENAK
  5. ISO, PLAN ESTRATEGIKOA ETA AGINTE-KOADROAK
  6. ARLO EKONOMIKOA
  7. TXOSTEN ETA DOKUMENTU ERAKARGARRIAK SORTZEA
  8. NOLA HITZ EGIN JENDAURREAN – KOMUNIKAZIO AURRERATUA

Prestakuntza-aldiaren ondoren, programan parte hartzen duten pertsonek PROIEKTU BAT bat garatuko dute irakasleen laguntzarekin. Parte-hartzaileen interesak kontuan hartuta, ondorengoekin zerikusia duten enpresak bilatzen saiatuko gara:

  • Antzeko sektoreekin.
  • Parte-hartzaile bakoitzaren titulazioarekin.
  • Pertsona bat esparru horretan sartu nahi dutenekin.

Horrela, HAZILANek pertsona bakoitzari bere potentzial guztia aprobetxatzen laguntzen dio, bai eta zenbait teknika eta ezagutza eskuratzen ere, enpresei hobeto transmititzeko zergatik eduki beharko lituzketen lan-taldeetan.

HAZILAN proiektua Garapenek, Garapen Agentzien Euskal Elkarteak, koordinatzen du, eta Euskal Autonomia Erkidegoko 2014-2020 Programa Operatiboaren barruan kokatzen da, Europako Gizarte Funtsak %50ean kofinantzatuta.

Zen-ematea datorren OTSAILAREN 28ra arte egin daiteke, BEHARGINTZA LEIOAn. Ondoren, interesdunei elkarrizketa pertsonal bat egingo zaie, beren profila, interesak eta programarekiko egokitasuna baloratzeko.

Parte hartu nahi baduzu, jarri harremanetan Behargintza Leioarekin

Informazio-telefonoa: 94.400.41.95

Emaila: [email protected]

Web: behargintzaleioa.net

Informazio gehiago.