Leioa Open Dendak aitorpenak Leioan 25 urtetik gora zerbitzuak ematen diharduten saltokiei

LEIOA OPEN DENDAK Leioako merkataritza- eta zerbitzu-sarea mantentzeko lan egiten duzuenon garrantzia azpimarratzeko helburuarekin sortu zen, gure udalerriko ezaugarri garrantzitsuenetako bat baita. Hori dela eta, saltoki bakoitzari ematen diozuen berezitasun eta ukitu pertsonal hori argazkien bidez erakutsi nahi izan dugu, zuek protagonistatzat hartuta, laster kaleratuko den kanpaina honen bitartez.

Aldi berean, ezagutzera eman ditugu XX. mendetik Leioako kaleak girotzen eta herritarrei zerbitzuak ematen diharduten saltokiak. Saltoki horiek 25 urte bete dituzte, eta hortxe zabaltzen dizkigute egunero ateak, beren profesionaltasuna eta adeitasuna erakutsiz. Eta, izan ere, bi hamarkadaz baino gehiagoz ahalegin izugarriak egin dituzte herriko kaleak alaitu eta gure historiaren eta orainaren parte izateko.

Horregatik, Leioako Udalak eta Behargintza Leioak, herritarren izenean esker ona ematen jarraitzeko, ibilbide profesional horri aitorpen txiki bat egingo diogu, martxoaren 16an, 20:00etan, LEIOAKO KULTUR AUDITORIOAN.

Zure saltokiak edo zerbitzu-enpresak Leioan 25 urtetik gora badaramatza:
Ibilbide profesionala aitortzeko ekitaldian parte hartu nahi baduzu, bete inprimakia, eta zurekin jarriko gara harremanetan.

LEIOA OPEN DENDAK AITORPEN ekitaldira ikusle moduan bertaratu nahi baduzu.
Antolaketa- eta edukiera-arrazoiak direla eta, eskatu ahala gordeko dira tokiak. Bakoitzak gehienez xx pertsonentzako tokia gorde dezake. Eskatu gonbidapena hemen: https://forms.gle/VQx1exaWbHJBpkNS9

ESKERRIK ASKO!