LeioakoUdala
enpresen mintegia

Enpresen mintegia

Behargintza Leioak enpresa mintegia dauka, eta horren helburua da enpresa berriei gure udalerrian instalatzen laguntzea, kokaleku bat eskainiz.

Bulegoen eskaintza publiko horri esker, ideia berritzaileak erakarri nahi ditugu, eta ideia horien autoreei lagundu lehen urteetako ibilbidean, euren negozioetarako lekua eta tutoretza emanez mintegian bertan, eta hau guztia barne hartzen du lan horrek: finantzazio publiko eta pribatua bilatzen laguntzea, enpresen arlo desberdinetako prestakuntza moduluaren esleipenak irauten duen bitartean, eta mintegian dauden enpresen bitartez egikaritu ahal diren lehiakortasuna hobetzeko beste proiektu batzuk garatzea.

Izpiritu ekintzailea sustatzeaz gain, Mintegiak bilatzen du, baita ere, udalerriko enpresek elkar ezagutzea eta kolaborazio sareak jostea, enpresa sareak Leioan. Baliabideak batuz egitasmo handiagoei edota arrakasta izateko aukera handiagoak dituztenei ekin ahal izango zaie.

Mintegia Ibaiondo Plaza 1 helbidean dago, 107. bulegoan. 184 m2-ko azalera dauka, enpresentzako bost modulutan banatuta, lankidetzarako ere erabil daitezkeenak. Horrez gain, erabilera anitzeko gela dago, bi aretotan bana daitekeena. Orokorrean, moduluak 2 urterako esleituko dira, alokairuan, erosteko aukerarik gabe, eta urtebetez luza daiteke esleipena justifikatuz gero.

Oinarri arautzaileak eta eredu operatiboa 2017

Instalazioak bisitatu nahi badituzu eta baldintzak ezagutu, kontaktuan jarri Behargintza Leioarekin email honen bitartez: [email protected]


Twitter Facebook LinkedIn