LeioakoUdala

Prestakuntza eskaintza: Iraila - Abendua 2017

Prestakuntza eskaintza: Iraila - Abendua 2016

Uztaileko BEHAR HITZA aldizkarian adierazi genizuen bezala, udalerriko etxe guztietara igorri dugu Leioako Udalak udalerriko langabetuak lan-merkatuan sartzen laguntzeko xedearekin egin duen prestakuntza-proposamen berria.

Irailari hasiera emateko, lana bilatzeko tailerra abiatuko dugu, lana bilatu nahi duten baina nondik hasi ez dakiten pertsonei zuzenduta. Era berean, hilaren amaieran Sukaldeko laguntzailea profesionaltasun-ziurtagiriaren bigarren modulua hasiko da; lehenengo modulua uda baino lehen eskaini genuen. Lehenengo modulua egin ez bazenuen, aurrerago egin ahalko duzu. Izan ere, Lanbidek ziurtagiri partzialak egiteko aukera ematen du; ondoren, prestakuntza osatu ahal izango duzu profil profesionalak egiaztatzeko. Kasu honetan, ostalaritza nahiz jatetxeetako sektoreetan lan egin ahalko zenuke.

Urrian, berriz, Ile-apaindegiko laguntzailea profesionaltasun-ziurtagiri osoa eskainiko dugu (210 ordukoa, gehi 120 orduko praktikak). Centro Fernandok emango ditu eskolak; erakunde homologatua da eta eskarmentu handia dauka ile-apainketa zein irudi pertsonalaren alorrean. Hortaz, gaur egun eskari handia duen sektore horretan aritu nahi diren pertsonei ateak ireki ahal dizkie ziurtagiriak. Halaber, enplegu-tailerra eskainiko dugu, baita informatika-hastapenari buruzko 30 orduko ikastaroa ere, Kz Gunean (Kultur Etxeko 4. solairuan). Hala, oinarrizko ezagutzak hartu ahal izango dituzte beren eguneroko bizitzan informatikari probetxu handiagoa atera nahi diotenek.

Azaroan, lana bilatzeko tailerra eskainiko diegu Behargintzako erabiltzaile berriei, baita ogibideei lotutako bi ikastaro ere: batetik, Industria-pintura; bestetik, 1. mailako Merkataritza-jarduera osagarriak profesionaltasun-ziurtagiria (ez da inolako aurretiazko berariazko prestakuntzarik izan behar). Aurreikusi da 230 orduko prestakuntza hori amaitutakoan ikasleek 2-3 hileko praktikak egitea eskualdeko saltokietan nahiz enpresetan. Horrela, praktikan jarri ahal izango dituzte eskuratutako ezagutzak eta lan-esparru horretara hurbilduko dira. Besteak beste, honako zeregin hauek izango dituzte dendako saltzaile edo laguntzaile gisa: jendeari arreta ematea, kutxako kontaketa egitea, eta fondoak berriz jartzea.

Abenduan, amaitzeko, Orga jasotzailea modulua eskainiko dugu; izan ere, oso harrera ona izan du aurreko edizioetan eta biltegi-, birjartze- nahiz eraikuntza-lanak burutzeko eskatzen dute, eta Lanbidek mota horretako zereginak gauzatzeko homologatu du. “Hastapen-urratsak oinarrizko informatikan” ikastaroa, 30 ordukoa, errepikatuko dugu Leioako KZn, baita sustatzaile berrientzako 40 orduko ikastaroa ere. Azken hori Leioako enpresen mintegian egingo da, eta beren kabuz lana bilatzen ari diren eta Bizkaiko Foru Aldundiak ekintzaileentzako dituen diru-laguntzak jaso nahi dituzten pertsonei zuzenduta dago. Azkenik, Oratoria eta programazio neurolinguistikoa 100 orduko prestakuntza berritzailea eskainiko dugu; oso tresna indartsua da. Izan ere, pertsona batek lana bilatzeko egoera zailari aurre egiteko beharrezkoa duen segurtasuna eman ez ezik eguneroko bizitzan askotariko egoeretan suertatzen diren erronkak gainditzeko baliabideak ere adieraziko baitira bertan. Aipatutako prestakuntza trebakuntza handia duen eta coaching-en aditua den lantaldeak emango du.

ESKUORRI INFORMATIBOA ETA INSKRIPZIO ORRIA


Twitter Facebook LinkedIn