Leioako Udalak tokiko merkataritza sustatzeko kanpainaren lehen fasea jarri du abian, ekimenarekin bat egin nahi duten establezimenduei zuzenduta.

Leioako Udalak Leioa Indartu Bonoa 2026 kanpaina jarri du abian. Ekimenaren helburua da tokiko merkataritzari laguntzea, kontsumo arduratsua sustatzea eta herritarren fidelizazioa bultzatzea udalerriko establezimenduetan. Kanpainaren lehen fasea parte hartu nahi duten saltoki eta establezimenduei zuzenduta dago.

“Leioa Modan” ekimenak udalerriko moda, estetika eta edertasuneko establezimenduak eta profesionalak jarriko ditu balioan, eta irailaren 24an, 19:30ean, Artatza Jauregian egingo den desfilearekin amaituko da. Irailak 4, ostirala, 16:00etatik 20:00etara, casting irekia egingo da Behargintza Leioan, ekimenean parte hartu nahi duten 18 urtetik gorako herriko bizilagunentzat.

Leioako udalak urteko prestakuntza-programazio berria abiarazi du enplegua eta ekintzailetza sustatzeko.

Irailaren 1etik aurrera zabalduko da izena emateko epea, eta programazioak bost prestakuntza-ekintza eskainiko ditu, batez ere udalerriko langabeei zuzenduta.

Leioako Udalak, urteko prestakuntza-programazio berria jarriko du martxan herritarren enplegagarritasuna hobetzeko, laneratzea sustatzeko eta ekintzailetza bultzatzeko. Horretarako, lan-merkatuaren eta tokiko enpresa-sarearen egungo beharretara egokitutako prestakuntza-ekintzak eskainiko ditu. Izena emateko epea irailaren 1ean irekiko da, eta izen-ematea Behargintza Leioan bertan edo haren webgunearen bidez egin ahal izango da.

"LEIOAN ERROTZEN" tokiko enpresen ezarpena eta finkapena bultzatzeko diru-laguntzen deialdia

Aurkezteko epea: 2026eko uztailaren 12ra arte.

Laguntza-lerro honen helburua da tokiko sare ekonomiko lehiakorragoa, berritzaileagoa eta inklusiboagoa sustatzea, merkataritza-lokalak egokitzea, berritzea edo digitalizatzea erraztuz, bai eta jendeari arreta zuzena ematea sustatzen duten edo jasangarritasuna, irisgarritasuna edo gizarteratzea hobetzen duten beste inbertsio batzuk ere.

Datorren maiatzaren 21ean, 9:30etan, zure enpresarentzat interesgarria izan daitekeen online jardunaldi batean parte hartzera gonbidatzen zaitugu: "Fabrika tradizionaletik planta adimendunera. Digitalizazioa eta automatizazioa ETEetan".

Saioaren ondoren, enpresa parte-hartzaileek LANCORen ekainaren 11ko bisitan eman ahal izango dute izena, beren jardunbide egokiak ezagutzeko.

Datorren martxoaren 25ean, 9:30etan, zure enpresarentzat interesgarria izan daitekeen online jardunaldi batean parte hartzera gonbidatzen zaitugu: Eraldaketa Industriala Adimen Artifizialarekin. Industria-ETEentzako Enpresa Arrakasta-Kasuak.

Saioaren ondoren, enpresa parte-hartzaileek banakako bilerak egin ahal izango dituzte erakunde horiekin, beren egoera zehatza aztertzeko eta izan ditzaketen jarduera-ildoak aztertzeko.