Leioa Talent Blog ekimenak datorren azaroaren 16an, sare sozialetan murgilduta dauden pertsonak udalerrira ekarriko ditu

LEIOA - Leioako merkataritza, ostalaritza eta zerbitzuak Bizkaiko blog, Instagram eta Youtube-ko kanaletan protagonista izango dira berriro ere. 2018ko azaroaren 16an, ostirala, blogger, instagramer eta youtuberrek ahotsa eta protagonismoa emango diete Leioako denda, taberna eta jatetxeei.

Parte-hartzaileak influencer izateko lanbide-prestakuntza eta trebakuntza prozesu batean esku hartu duten gure udalerriko langabeak dira. Ekimen horren bidez Leioako merkataritza, ostalaritza eta zerbitzuak sare sozialetan sustatuko dituzte egundoko merkataritza, aisialdi eta kultura eskaintza duen hiri-eremu modura.

Zure establezimenduarekin parte hartu nahi al duzu?. Sartu hemen, eta eman izena!

“Gaztedi Uribe Kosta” lankidetza hitzarmena sinatu duten udalerrietan (Leioa, Barrika, Berango, Gorliz, Lemoiz, Plentzia, Sopela, Urduliz) erroldatutako 18 eta 29 urte bitarteko gazteei zuzenduriko Lanekoak ez diren praktikak egiteko beka programa. Praktikak, inguruko enpresetan egingo lirateke.

Praktiken ezaugarriak dira: praktikaldiaren iraupena: 6 hilabete; lanaldia: 30 ordu astean; bekaren zenbateko 500 €/hilerokoa izan da.

Beken onuradunak izateko bete beharreko baldintzak:

• 18-25 urte izatea eskabidea aurkeztean.
• Edo, 26-29 urte izatea eskabidea aurkeztean, betiere Gazteen Berme Sisteman altan emanda egotea.
• Bizkaiko Foru Aldundiarekin batera “Gaztedi Uribe Kosta” hitzarmena sinatu duten udalerrietako batetan erroldatuta egotea (Barrika, Berango, Gorliz, Leioa, Lemoiz, Plentzia, Sopela, Urduliz).
• Lanbide-heziketako titulua izatea (erdi-mailako edo goi-mailako), edo goi mailako titulazioa ikaskuntza artistikoetan edo kirol arlokoetan izatea, edo unibertsitateko titulua edo profesionaltasun ziurtagiria edukitzea.
• Gazteen Berme Sisteman izena emanda egotea, hala badagokio.
• Prestakuntzarekin lotura zuzena duten hiru hilabetetik gorako lan-esperientziarik ez edukitzea.
• Enplegu gabe egotea eta Lanbiden lan eskatzaile gisa agertzea.
• Diru-laguntzak edo laguntza publikoak eskuratzeko aukera galduta Zigor edo administrazio arloko zehapenik ez izatea.

Udalak sustatutako deialdi honen bitartez 2018. urtean merkataritza arloan egindako inbertsio hauek diruz laguntzen dira: enpresa modernizatu eta berriztatzekoak, merkaturatze teknikak hobetzekoak eta kostuak murriztekoak

Onuradunak Leioan kokatutako enpresak dira 5 langile baino gutxiago dutenak eta bere jarduera urtebete baino lehenago hasitakoa. Jardueraren epigrafea oinarrietako I eranskinean egon behar du.

Itzuli beharrik gabeko laguntza hauek gehienez 600 €koak izango dira eta 2018ko urtarrilaren 1etik abenduaren 31ra bitartean egindako inbertsioak diruz lagunduko dituzte.

Eskabideak aurkezteko epe-muga 2018ko abenduaren 15a izango da.

Izena emateko Behargintza Leioaren web orrian, urriaren 16ra arte

Leioako Udalak, Behargintza Leioaren bidez, hautaketa-prozesua ireki nahi duten enpresa interesdun guztien esku jartzen ditu beren beharretara egokitzen diren perfilak ezagutarazteko eta jasotzeko beharrezko dituzten baliabideak.

Amaia kalean laster irekiko den Aldi Supermerkatuak dela-eta, urrian zehar bertan egongo diren lanpostuak betetzeko hautagaiak batzeko prozesua hasiko da.